'Ziwan nasname yo wayîrê nasnameyê xo vejîyê'

  • 14:11 15 Gulane 2019
  • Ti heta ke nêwanê derbaz mebe
ŞEHBA - Mamosteyê ziwanê kurdî bi coş û xoevrdayîşêke pîl Roşanê Ziwanê Kurdkî pêşwazî kenê û vanê: "Ziwan û kultur nasnameyê merdiman o, ganî merdim zî wayîrê nasnameyê xo vejîyê."
 
15ê Gulana 1932an de Kovara Hewarî bi rayberîya  Celadet Elî Bedirxanî de Şamê Sûrîyeyî de amî vetene. Kovara Hewarî de yewin rey tarîxê kurdan de ziwanê kurdî bi tîpê latînî ameya nuştene û coka cayêke taybet ê kovare averşîyayîş û standartkerdişê ziwanê kurdî de esta. Yewin hûmara kovara Hewarî 15ê gulana 1932an de vejîya heta 15ê tebaxe 1943 57 hûmar vejîyayê. Coka şarê Kurd her serre 15ê Gulane sey Roşanê Ziwanê Kurdî pîroz kenê.  Derheqê babete de mamosteyê Efrînî yê ke Şehba de bi ca bîyê, şîroveyê xo bi Ajansê ma dir pare kerdî û vatî: "15ê Gulane rayberê merdimayî, Rayber Abdullah Ocalan û xoverdyaîşê zindanan rê pîroz bo."
 
'Ê se bikerê wa bikerê ma do fek ziwanê xo ra vera nêdê'
 
Mamosteya bi nameyê Evîn Ehmede qisey kerde û va: "15ê Gulane Roşanê Ziwanê Kurdî, Serek Apo û xoverdayoxê zindanan rê pîroz bo. Her merdimêke dinya de bi ziwan û kulturê xo yeno nasnayene. Dewleta Tirkan wexto ke hêrişê Efrînî kerde eynî wextî de waşte ke ziwanê ma çin bikero. Hêrişê wendegehan kerde. La ê se bikerê wa bikerê ma fek ziwanê xo ra vera nêdanê."
 
Evîne wina dewam kerde: "Şehba de ma sey mamoste wayîrê ziwan û kulturê xo wayîr vejîyenê. Ma perwerdeyê domanan dewam kerd, xoverdayîşê ma tîya de seba pawitişê ziwanê dayîke yo, seba ke ziwan nasnameyê merdiman o. Ziwan nasname yo, wayîrê nasnameyê xo vejîyê."
 
'Ma wazenê bi Rayberê xo dir 15ê Gulane pîroz bikerê'
 
Mamoste Xêriyê Muhemede zî derheqê 15ê Gulane de wina va: "Pêwa zor û zehmetîyê ke ma cuyenê, bi moralêke pîl ma wendekarê xo ziwanê dayîke musnenê. Amancê ma girêdayîşê şarî yê bi ziwanê yewbînan o, ma bi umîd ê na serra newî serrêka pîroz bo û ma bi Rayber Abdullah Ocalan dir Roşanê Ziwanê Kurdî pîroz bikerê. Ma wazenê bi Rayberê xo dir 15ê Gulane pîroz bikerê."
 
'Dewleta îşxalkerdoxe seba çinkerdişê ziwanê şarê Kurdî ziwan û kultur hedef girewtî'
 
Mamoste Şêrîn Hesene Cejna Ziwanê Kurdî pîroz kerde û va: "Ma Efrîn de roşanê xo pîroz kerdêne, la nika Kantonê Şehbayî de bi ruhê xoverdayîşê şarî ma reyna Roşanê Ziwanê Kurdî pîroz kenê. Dewleta îşxalkerdoxe seba çinkerdişê şarê Kurdî kultur û ziwan her wext hedef girewtî. Ma do bi pêro hêzê xo, xoverdayîşê xo dewam bikerê û domanan rê ziwanê înan bimusnê. Ma mamosteyî vera îşxalkerdişê dewleta Tirkan vindenê û vanê kes nêeşkeno îradeyê ma bişikno."