‘Semedê şar bê nan nêmano ma her roje xebityenê’

  • 14:11 2 Nîsane 2020
  • Ti heta ke nêwanê derbaz mebe
QAMIŞLO - Cinîyê ke firina Adare ya Dêrikî de xebityenê û wina vat: "Roja ke her ca seba Vîrusê Koronayî ameyo padayene, ma yenê firine û nan viraznenê ke şarê ma bê nan nêmano.”
 
Dimayê vilabîyayîşê Vîrûsê Korona ke temamê dinya de tedbîrî ameyî girewtene. Xeylêk kesî bi sebebê Vîrûsê Korona cuya xo vindî kerdî û bi hezaran zî binê denetimê doktoran de yê. Vakur û Rojhelatê Sûrîye de zî seba Vîrûsê Korona xeylêk tedbîr ameyî girewtene û cayê asayîşî, dermanxane û firine eşkenê xebityê. Şaristanê Dêrîkî ya girêdayê Kantonê Qamişloyî firina Adare de semedê ke şar bê nan nêmano, cinîyê ke tîya manenê karê xo kenê. Cinîyê ke firina Adare de xebityayî qisey kerdî.
 
‘Semedê pawitişê komelê xo keyeyê xo mevejîyê’
 
Cinîya bi nameyê Dîlber Mihemede derheqê firina Adare qisey kerde û vat: “Bi çar serrî yo ma firina Adare de kar kenê. Firina Adare de 5 cinî kar kenê û înan ra 2 kesî nanê tewqe viraznenê, 2 cinî mîr kenê, ez zî nan sûr kena. Semedê Vîrûsê Korona heme ca ameyî padayene. Semedê pawitişê şarê ma, heme cayî ameyî padayîş. Ma zî seba xizmetê şarê xo bikerê ma karê xo dewam kenê. Karê ma nê prosesî de kêm bîyo, seba kesê ke dewan de ciwîyenê nêvejîyenê şaristan û keyeyê xo de xo vîrus ra pawenê. Ma zî veng danê ke heme şarê ma semedê pawitişê komelê xo, keye ra nêvejîyê.”
 
‘Lazim o her kes xo vîrus ra xo bipawo’
 
Nayle Hesene zî bale ante serê karê xo û wina vat: “Ma firina Adare de kar kenê. Ma saete 5ê siba ra yenê firine û nanê xo viraznenê. Heta ke nanê ma bibo, ma firine de manenê. Seba Vîrûsê Korona û kêmbîyayîşê vejîyayîşê şarî ê keyeyan ra karê ma tay bîyo. La her roje seba şarê ma bê nan nêmano, ma yenê firine û nan viraznenê. Omidê ma oyo ke heme kesî wa xo vîrusî ra bipawê û keyeyê xo de bimanê.”