Qers de viraştişê penîrê çeçîlî dest pêkerd

  • 12:43 12 Temmuze 2020
  • Ti heta ke nêwanê derbaz mebe
QERS - Qerso ke bi penîrê xo, dinya de yeno nasnayene, dest bi viraştişê penîrê çeçîlî yê herême kerd. Penîro ke bi kedêko pîl ê cinîyan yeno viraştene, kîloyê ci bi 15 TL yeno rotene.
 
Qers, yew cayêko herêmê xo yê bi zozananê berz û pesdewarî yeno zanayene, penîrê xeylêk namdar yê bi destê cinîyan yenê viraştene estê. Herême de penîro namdar yê kaşar û gravyer zî yenê viraştene û verê nê de xeylêk tewirê penîrî yenê viraştene. Cinîyê ke bajarokê Bazarcixî ê Dîgorê Qersî de ciwîyenê, dest bi viraştişê penîrê namdar yê çeçîl kerdî.
 
Cinîyê ke serê sibayî rew wirzenê û dest bi kar kenê, dimayê ke mangan ancenê, şitê xo makîne ra derbaz kenê û rûnê ci cîya kenê. Şitê xo saetêke danê vindarnayene, maya kenê ci. Şit, dima ra  tenûre yan zî soba ser o yeno girnayîş. Heta ke penîr bibo têl têl, bi destan yeno elewatiş.
 
Perîhan Varguna ke şertê zehmet de penîr virazena ya. Perîhane da zanayîş ke dimayê pêro kar û bar, penîr seba arayî hadre yo û wina vat: “Penîro çeçîl, xeylêk yeno heskerdene. Xeylêk cinî nê karî ra debara xo kenê. Kîlo bi 15 TL  yeno rotene. Keda ma ne keye de ne zî teber de yena vînayene. Pêwa ke ma her kar kenê zî camêrdî vanê, ‘şima serê siba ra heta şan de keye de yê.’ Yanî kede yena çinkerdene. Pêro kar ma kenê. Verê nê de ma pereyêko tay qezenc kenê.